వినాయక కీర్తన

రాగం : నాట

 

 

          పల్లవి:         విద్యార్థుల సద్విజ్ఞత పెంచే

                            సిద్ధి వినాయక శ్రద్ధ నీయవా.

          అనుపల్లవి: తొండము దంతము తోరపు బొజ్జయు

                           అచ్చము ఓమను అక్షరమ్మనగ

 

 

          చరణం1: అమ్మకు అండౌ అల పిండిబొమ్మయె

                       అండ పిండ బ్రహ్మాండ మేలెనని

                       తలిదండ్రులకు ప్రదక్షిణ చేసిన

                       ఇల యంతయు నిక నేల చుట్టుటని           //విద్యార్థుల//

 

          చరణం2:  గేలి చేయు టను కేళి చేసిన

                        ఎంత చందురుని ఎవరు కందురని

                        దోషము నొప్పుక మూషికమ్మయిన

                        పూజల నందుచు రాజిల్లునని                  //విద్యార్థుల//