Nagaraj Paturi

తెల్ల దనమంత చల్లని తల్లి గాగ బుజ్జి బంగారు తల్లి కబుర్ల పుట్ట తెలుపు లొలికెడి పూవుపొత్తిళ్ల మీద చదువు పుట్టంగ పుట్టె మా శారదమ్మ నిదురలో నవ్వి పాట వెన్నెలలు చిలికి చిట్టి గుప్పిళ్లఁ పాటల గుట్టు దాచి పాట మాటల పరుపుపై పాకిపాకి పాడ నొడిజేరఁ బుట్టె మా వాణి తల్లి నెత్తి పైకెక్కి ఎదదిగి మెత్తఁ దన్ని కదలి గురిచూచి పైపైకి గాలి నూది చిలిపిగా నాల్క నాడించి చెవులఁ గొట్టి రవ్వఁజేయ బుట్టెను మా సరస్వతమ్మ చిక్క దొకపట్టు నెవరికి జక్కనమ్మ చిక్కి నంతకె పులకలఁ జిలుకఁ జేయు నాట పాటల గుట్లన్ని యంది పుచ్చి పంచి యాడంగఁ బుట్టె మా భారతమ్మ మాకు నీవిచ్చు  నుడుల మాం మమ్ము పెట్టి పాల నీ పల్కుచిన్కులన్ లాల పోసి చేరి ని న్నెత్తుకొన నిమ్ము చేతు లిచ్చి రక్ష! రక్షమ్మ! బాల సరస్వతమ్మ  

జటాటవీగలజ్జలప్రవాహపావితస్థలే గలేవలంబ్య లంబితాం భుజంగతుంగమాలికామ్ | డమడ్డమడ్డమడ్డమన్నినాదవడ్డమర్వయం చకార చండతాండవం తనోతు నః శివః శివమ్ || ౧ || జడల అడవి నుండి జారు నీటి   ఏరు సుద్ది జేయ మెడను పొడవు దండ లాగు నూగి తూగు నాగు తోడ     డండండమ డండండమ   డమరు సద్దు కడల నిండ   బెదురు బెట్టు చిందు వేయు శివుడు సిరుల నిడును గాత      (1) ------------------------------------------------------------ జటాకటాహసంభ్రమభ్రమన్నిలింపనిర్ఝరీ- - విలోలవీచివల్లరీవిరాజమానమూర్ధని | ధగద్ధగద్ధగజ్జ్వలల్లలాటపట్టపావకే కిశోరచంద్రశేఖరే రతిః ప్రతిక్షణం మమ || ౨ || జడల సుడుల మడుగు లోన సుడులు తిరుగ సురల యేరు పొంగి   పొరలు తరగ లల్లు తీగలతో   వెలుగు తలయు ధగ ధగ ధగ ధగ ధగ ధగ వెలుగు నుదుటి మంట తోటి తలపై నెలవంక తోటి   నన్ను నెపుడు లాగు చుండు   (2)   -------------------------------------------------------------- ధరాధరేంద్రనందినీవిలాసబంధుబంధుర స్ఫురద్దిగంతసంతతిప్రమోదమానమానసే | కృపాకటాక్షధోరణీనిరుద్ధదుర్ధరాపది క్వచిద్దిగ...